రథాల శబ్ధం వినబడుతుంది

 2063

తెలుగు రచన

01/08/2022

====================

రథాల శబ్ధం వినబడుతుంది

డాలూ కత్తి కనబడుతుంది

బానిస వాసన వస్తూ ఉంది

భవితను తలచి భయమేస్తుంది

పిల్లి నడకలో నిరంకుశత్వం

నివురుగప్పిన నిప్పుల సైన్యం

మైకం పొదలో మాచల బిందం 

వస్తుం దొస్తుం దొస్తుందదిగో 

వృత్రాసురులు జిత్తుల మారులు

నెత్తురు మరిగిన తేనె కత్తులు

చింకలిక్కలు దొంగ మూకలు 

వస్తున్నా యొస్తున్నా యవిగో

అడుగుల సవ్వడి గమనించండి

అతిగా ఆశలు పడబోకండి

ఉరుములు మెరుపులు వెలుగనుకుంటే

పిడుగుల వర్షం తప్పదులెండి

======================

                య.వెంకటరమణ