విప్లవమా వర్ధిల్లు

 విప్లవమావర్దిల్లని ఎవ్వరెంత అరిచినా,వీధులబడితిరిగినా

ఒరిగేది ఏమున్నది? , తిరుగుబాటు పేరుతప్ప!
యువతరం నిద్రపోతూ, ఊహల్లో తేలిపోతూ,
వెలకట్టని కాలాన్ని వెల్లకిల్లా గడిపేస్తూ,
వెలుగుచూడగోరెటోళ్ళు,వీధిలైటు స్థంబాలు,
వచ్చిపోయేటోళ్ళని పరికిస్తూ కూర్చుంటే
తోడేళ్ళదండులు, తోడుకు పోనొస్తున్నాయ్
తరము నీదిచూసుకో, తరిమి కొట్టకుక్కల్ని.
వెలుగు బాటలేసుకో, చీకటి బరి గీయక .
చీకటి తెరచీల్చంగా,వెలుగుచారలోస్తున్నాయ్
నీకోసం నిలిచిచూడు-నిలచి వలసపోతున్నాయ్
నీసత్తా చూపించు, నీవేమిటో  నిరూపించు
జైహిందను స్వరాలనే  జల్లులుగా కురిపించు !
నీకోసం నేనున్నా .. నీతోనే నేనున్నా
నీపైనే ఆశలతో నివురుగప్పి నేనున్నా .
యువతరమా నిద్రలే . యువతరమా నిద్రలే
నిద్రలే నిద్రలే..నీపైనే భవితలే !!

                                   య. వెంకటరమణ