త్వరపడకపోతే తెల్లారిపోతోంది

1831
తెలుగు రచన
08/06/2019
===============================
త్వరపడకపోతే తెల్లారిపోతోంది   సామరస్యం
నిలబడకపోతే నిర్వాణమైపోతోందీ మానవత్వం
ప్రభలమవుతోంది ప్రలోభ వ్యూహం
ప్రభాలమవుతూనే ఉంది ప్రలోభ వ్యూహం

హలం పొలంలోనే అల్లాడిపోతుంది
కళ్ళం కన్నీటితో తడిసిపోతోంది
మొసలి కన్నీరుతో ముఖం తుడిచేయంత్రాంగం
మొదలికే ముసలం మసిబూసే మాయాజాలం
మింగుడుబడని ముద్దలతో కర్షకమదనం

కులపిచ్చుకలిప్పటికే గూళ్ళు కట్టుకున్నాయి
సరిహద్దుల గోడలపై గుండు పిల్లి పచారాలు
గాలి కూగుతూ కుల పిచ్చుగ్గోళ్ళు
మదిరి కూగుతూ మన పిచ్చోళ్ళు

దేశాలు విడిపోయాయి పోతే పోనీయ్ అనుకున్నాం
రాష్ట్రాలిడిపోయాయి పోతే పోనీయ్ అనుకున్నాం
మనుషులనే విడగొడుతున్నారయ్యో అయ్యో
విడగొడుతున్నారయ్యో అయ్యో
===============================
యలమంచిలి వెంకటరమణ