తికమిక పడకో అమ్మడు తెగ వేదన పడకో తమ్ముడు

మళ్ళీ ఒకసారి చదివించాలనిపించింది

1813
తెలుగు రచన
23/12/2018
==================
తికమిక పడకో అమ్మడు
తెగ వేదన పడకో తమ్ముడు
చిన్నాపెద్దా ఒకటే..
మరి తేడాలంతగ లేవు.

డేటింగులంటూ లేచిపోవటం,
డైటింగులంటూ పస్తులుండడం.
ఉన్న గుడ్డలు చింపుకోవటం,
పేషన్లంటూ తిరుగులాడడం.
ఒకటే ఒకటే తమ్ముడు
మరి తేడాలెందుకు అమ్మడు

చింపిరీకలు గాలికొదలడం ,
చింపిరిగుడ్డలు సిగ్గుగప్పటం.
పచ్చిపులుసులో ముంచుకోటం,
పానీపూరీ పోజులివ్వడం.
ఒకటే ఒకటే తమ్ముడు
ఊరకె ఫోజులు అమ్మడు

బ్రెడ్డుముక్కలో పచ్చికూరలు,
బర్గర్ పేషన్ బడా బాబులు .
అజీర్తిరోగం అయ్యోపాపం,
రాగి సంగటి,డైటింగ్ డైటింగ్.
తికమక పడకో తమ్ముడు,
తుదకంతా ఒకటే తమ్ముడు.

గంజీ ఉప్పూ కలిపితాగడం,
సూపని చెప్పి మురిసిపోవడం.
తిండి కోసమని పరుగులెట్టడం,
తిన్నదరగక పరుగుదీయడం.
ఒకటే ఒకటే తమ్ముడు,
మరి తేడాలెందుకు అమ్మడు.
==================
యలమంచిలి వెంకటరమణ