దయనీయం దయనీయం

దయనీయం దయనీయం-దేశంగతి దయనీయం.
బరిగీసిన భాగ్యరేఖ,మరిదాటని ఆకలితో-
అలమటించు అన్నార్తుల కెవరమయ్య భాధ్యులం?
అభ్యుదయం చూడబోతె అంతకంతకధ్వానం.
అజ్ఞానం అంతేలే- ఈ జ్ఞానం వింతకదా,
ఉన్నబట్టలిప్పుకుంటు, విలువ బెంచనీవైనం.

ఓపక్కన చూడబోతె యువతరమది తగుదునంటు ,
ఉధ్యోగం లేదంటూ ఊరులెంట దిరుగుకుంటు,
ఉన్నదంత తినుకుంటూ, ఊరకనే కూసుంటే!
విచ్చలవిడి సైన్యంలో ఒక్కొక్కడె జేరుతుంటే,
మిడిసిపాటు మరీ మరీ మిన్నంటుగ పెరుగుతుంటె
అద్వానం అద్వానం -దేశంగతి అద్వానం.
అందుకునే జనం మనం. ఇక ఇంతేనా మనం మనం.
దేశంగతి అద్వానం - దేశం గతి అద్వానం.

                                        .య.వెంకటరమణ