భయం భయం భవిత భయం

భయమేస్తుంది నాకు భయమేస్తుంది.
హద్దులేని అవినీతి అచ్చోసిన ఆంబోతుల
అరుచుకు-మీధడుతుంటే భయమేస్తుంది
భయమేస్తుంది నాకు భయమేస్తుంది !!

నిన్నగాక మొన్నచూడు-పేరు బడ్డ ఊరు లోన,
అబ్బకేమొ తెలియకుండ అన్నఅనుభవిస్తుంటే,
అన్నకేమి చెప్పొద్దని అబ్బఅదుముకొచ్చాడు.
చెప్పుకునే దిక్కులేక,బయట చెప్పుకోలేక
బయలుదేరెనాబిడ్డ,-ఉరితాడే నయమంటు.
భయమేస్తుంది నాకు భయమేస్తుంది
 ఈ అధ్వానం చూస్తుంటే భయమేస్తుంది !!

అమ్మఅన్న-అక్కచెల్లి అన్నిమరిచినమానుషం
చీకటిలా  అలుముకుంటు కామాంధం క్రమ్ముతుంటే'
వాయివరస మరిచి జనం,ఆవేశాలు తీర్చుకుంటూ,
ఉన్నీపాటి సంస్కృతిని ఊభిపాలు చేస్తుంటే ..
భయమేస్తుంది నాకు భయమేస్తుంది.
భావితరం భవితచూసి భయమేస్తుంది.!!

అధ్వానం గుండటమే  అభ్యుదయం అనుకుంటే,
అభ్యుదయం పేరుచెప్పి ఉన్నబట్టలిప్పుకుంటే,
బాయ్ ఫ్రెండ్  పేరుజెప్పి బడువుకెత్తి తిరుగుతుంటే,
భయమేస్తుంది నాకు భయమేస్తుంది
భావితరం రూపుజూసి భయమేస్తుంది !!

వ్యభిచారం తప్పంటూ లైసెన్సులు రద్దుజేసి,
వ్యవహారం నడుపుతున్న మనవారంతీరుచూడు.
లవరుపార్కు పేరుచూడు .. ఆడుండే తీరుచూడు.
కప్పుకుంటే ఏమీ లేదు .. విప్పుకుంటే కిరీటాలు
చిత్తరంగ ఉందికదా! చెప్పుకుంటే సిగ్గుచేటు !!

సావిత్రమ్మ తెలీదంట ... సక్కుభాయి తెలీదంట.
శరవతు ముంమైతు మస్తు మస్తు గురుతంట.
మతిబోయిన కుర్రకారు మైమరచి తిరుగుతుంటే
భయమేస్తుంది నాకు భయమేస్తుంది..
మనుగడనిక  తలచుకుంటే భయమేస్తుంది .

డేటింగులు-చాటింగులు ... అబ్బోచెప్పతరం కాదు.
ఆ వెబ్బులజోలికెళితె ... అసలు చెప్పతరం కాదు
అవనిపైన బుట్టినాము... అమ్మనైన వదలరేర?
భయమేసింది నాకు భయమేసింది ..
ఆ బూతుకథలు చదవబోయి నాకుభయమేసింది !!

........యలమంచిలి వెంకటరమణ