పారీగత్తులు

ఎదోకాడికి ఇల్లయితేగట్టి,
ప్రహరీగట్టను ప్రారంభించగ.
పంచెలుగట్టిన పెద్ధలుజేరి,
ఆరాలుదీసే పారీగత్తులు .

అర్ధకానీ అయ్యోమయ్యం
అంతో ఇంతో ఉత్కోచామెడితే
అయ్యంగారు కొలతలకొచ్చే
డొలికిందంతా డొలుక్కుపోతూ
మక్కులు'మాత్రం పైపైనెట్టీ,
సంతమైతే పెట్టకబోయే.

అలసీ సొలసిన అధికారులకు నే
అదనంగా మరి చెల్లించుకుంటే
ఈడ్చిపెట్టిరి  ఇంకు'సంతకం .
ఈడ్చిపెట్టిరి ఇంకు'సంతకం
ఇవ్వను పొమ్మని గుమస్త పంతం

చొక్కాజేబులు బొక్కలుపోయే
పేంటులుకూడా లూజైపోయే
అరిగినచెప్పులు ఆడేవదిలి
ఎదోకాడికి యామరబోయి
పట్టా పట్టుకునింటికి వస్తే !

పక్కింటోడు కోర్టుకు పోయిన
కొత్త కబురుతో పెళ్ళాం'ఎదురు .
ఎదురేముంది?,తిరుగేలేదు
ఏడేడేళ్ళు ఏకం తిరుగుడు

ఎదిర బాబాయ్ కోర్టుకు విరిగుడు
ఇంతేనయ్యా ఒకటే తిరుగుడు .
ఒకటే తిరుగుడు- ఒకటే తిరుగుడు
వచ్చినదారే మళ్ళీ ఎగాబడు!!

(ఇదండి సంగతి)

......................యలమంచిలి వెంకటరమణ